vendredi 13 mars 2009

كِلبت لعباد

اش بيهم كلبو على زيارة للقيروان؟
زعما على خاتر حبو يمشيو غادي وما لقاوش بلاصا؟ ولا على خاطر حبو تكون الحمامات عاصمة الثقافة الاسلامية باش ينجمو يسهرو فيها اهوكا تولي حاجة وحويجة ؟

باهي سؤال اخر:

فرضا لو كان جا يزور تونس واحد من اسيادهم الي يخلص فيهم الله اعلم لواش كانو زعما يكلبو كيما توا؟؟؟؟
المهم يا بشر احترمو بعضكم خير.... وتونس ما عمرها ما كانت ملك للعلمانيين ولا للاسلاميين والا لغيرهم.

7 commentaires:

  1. "على خاطر حبو تكون الحمامات عاصمة الثقافة الاسلامية باش ينجمو يسهرو فيها اهوكا تولي حاجة وحويجة ؟"

    ههههههه يظهرلي هذاكا آش يحبّوا الجماعة اللّي مسمّين ارواحهم "النّخبة" الحداثية والعلمانية واللاّئيكية و...و...و حلّ الصرّة تلقى خيط

    RépondreSupprimer
  2. هاللغة هي لغة اللي ما عندو ما يقول... حرام عليك يا كحلاوي تقول هالكلام؟ أخي ما عنك منطق كان البلادة والركاكة وإتهام الأخرين ... بالله عليك قلي وأتحجداك أشكون إللي يدفعلي...

    RépondreSupprimer
  3. نضال بالضبط الانتقائية هي المشكل... المهم هو الفكرة مش مهم مدفوعة أو غير مدفوعة.. الأهم التركيز على الفكرة لأنو وقتها النوع هذا متاع الخطاب التسطيحي و الحشد ماعندوش حجج.. توة قريت تدوينة تستحق الواحد يقراها في مدونة جبل علقت و لو بشكل مختصر على أحد البيانات الرافضة للزيارة و ركزت على الرؤية
    http://djebel.net/2009/association-des-femmes-democrates/

    RépondreSupprimer
  4. خياطي ما عملت تعليق كان على كلمة دفعان فلوس نفهم من هذا الي انت موافق على انو تونس موش كان للعلمانيين ؟

    RépondreSupprimer
  5. طارق.. شفت اراء كثيرة متاع ناس مختلفة الاتجهات ومنهم حتى الي يكره القرضاوي اما من الناس الي عندهم احترام لمختلف الاتجاهات الاخرى والي تفاجا بضهور القرضاوي على قناة تونس بدون ان ينقد والا يسب والا حتى يقول شنوه هال" البلاده والركاكة" هذه

    RépondreSupprimer
  6. تونسيابلوغر...
    يسمي روحو علماني ولا لائيكي ولا ولد حنيفة ولا ولد البا المهم تونس موش كان متاعو وماعندهم حتى اختيار كان مصلحة تونس والتعددية الى مفروضة على الناس الكل. وحتى حد ما ينجم يوقفها

    RépondreSupprimer
  7. @ Sinterklass:

    متفق معاك تماما! اما الله غالب الكلام هذا برشة ناس موش فاهمينوا والاّ خليني نقول مايحبوش يفهموه

    RépondreSupprimer