mardi 3 mars 2009

ملا عيب

نهار الاحد رادس حافلة سيارات تزمر هاذوما احمر واصفر ولخرين احمر وابيض. الناس الكل شايخين يغنيو, كل شويه تلقى مجموعة متاع جمهور هابطة من المحطة متاع القطارعاملين جو حتى هو نهار دربي والناس ما تستنى كان في هالنهار تقول ما عنا حتى شي باش نتلهاو بيه ... ما عليناش.
حاسيلو الجو هاذا الكل كانت حاجه بركة فيه موش قد قد الى هيه الموت متاع والدة مدرب النادي الافريقي عبد الحق بن شيخه المدرب الى جا من الشقيقة الجزائر باش يدرب في بلادو تونس. بالطبيعة نظرا للموقف قرر الوقوف دقيقة صمت ترحما على والدة بن شيخة. في اللحظة هاذي انا تصدمت بمشهد غريب على جمهور الترجي هاذا الفريق العريق بتاريخو والقابو. في الوقت الى الناس الكل واقفين دقيقة صمت, يجيو مجموعة تافهه ترفض احترام الاموات وتقوم تغني دون مبالاة.
هل هاذي هي اخلاق التوانسة ؟ من وقتاش ولينا قلال تربية للدرجة هاذي؟
فما شكون قالي : ت حتى النشيد الرسمي ما يحترموهوش؟ ممكن صحيح اما هذا موت يا عباد تيمكن كان قالولهم دقيقة صمت من اجل اطفال كوكب المريخ راو احترموه .... وهوني بما انو المسالة تخص واحد من فريق "" العدو """ لازم نقللو احترامنا.
والله كان عيب وانا واحد من الناس نتبرى منهم عالعباد هاذوم حتى ولو كانو من مشجعي الترجي...

4 commentaires:

  1. طبعا المشكلة الكل في "العدو" هذيكة... أما هاو طلعو تنظيمات و أحزاب جمهور الكورة... يقول القايل أناهو حزب و إلا تنظيم هذا إلي رفض دقيقة الصمت؟

    RépondreSupprimer
  2. hihi! maw walla famma barcha anwe3 kima Ultras walla lokhrin Brigada rossa (ken jew ya3rfohom chkoun brigada rossa)taw ywalli famma Extra; giga, mega walla hatta Zapata...

    RépondreSupprimer
  3. vraiment chay ye7achem, nes fin w nes fin.
    En fait le fottball dans notre pays ne fait qu'augmenter le régionalisme

    RépondreSupprimer
  4. Ce régionalisme n'est pas un phénomène involontaire. Je pense que tout est bien planifié.

    RépondreSupprimer